Ngā Kawenga/Haepapa Mātua

Ngā Kawenga/Haepapa Mātua 2016-05-19T14:11:01+00:00

Ngā Whāinga Matua:

–     Mā te Whānau o Te Rito te kura hei whakahaere

–     Me eke te Whānau o Te Rito ki ōna wāwata me ōna tūmanakotanga o te kura

–     Kia ū te Whānau o Te Rito ki ngā mātāpono o Te Aho Matua

–     Ka whakamana te Whānau o Te Rito i Te Taumauri Whakaakoranga o Te Whānau o Te Rito

Hei Whakatinana i ngā whāinga matua:

–     Mā te whānau hei whakatauira, hei whakarite hoki te manaakitanga me te kōtahitanga ki roto i Te KKM o Te Rito

–     Ka uru ngā whānau katoa ki ngā whakahaeretanga o te kura e kawe tahi ai ngā haepapa o Te KKM o Te Rito

–     Kei te Whānau o Te Rito te mana whakatau i ngā tini kaupapa o Te KKM o Te Rito

Ngā Kawenga o ngā mātua o Te Whānau o Te Rito

–     Me tae ngā mātua ki ngā huinga ohu mahi, kia wānanga i ngā tini kaupapa o tēnā ohu, o tēnā ohu

–     Kia tautoko i te Taumauri Whakaakoranga o Te Whānau o Te Rito, ā, ka whakauru ai ōna kawenga ki te kāinga

–     Kia uru ki ngā tini kaupapa e haere ana i roto i Te KKM o Te Rito

–     Kia tae ki ngā hui whānau me ngā hui motuhake katoa

–     Me uru tētahi o ngā mātua ki tētahi o ngā ohu o Te KKM o Te Rito

Hui Whānau

–     E toru ngā hui whānau i ia wāhanga. Me tae koe ki ngā hui e toru nei!

–     Kā tū ēnei hui a te  Wiki 1, Wiki 5 me te Wiki 9 o ia wāhanga o te tau.

–     Ka tīmata ngā hui whānau nei a te 6pm

Hui Motuhake

Ētahi wā ka tū ngā tūmomo hui hei hui whakakaupapa, hei hui whakakotahi ai i te Whānau o Te Rito. Ka tū ēnei momo hui i a ono marama rānei, i a tau rānei